|
Nitory
ny vadin’ny iray tamin’izy ireo noho ny fampirafesana na « adultère »,
heloka izay mampigadra avy hatrany raha voamarin’ny vadintany. Efa ela
no nandeha ny fitoriana izay nandeha tany amin’ny sehatra ambonimbony
mihitsy, satria ao anatin’ny fikambanan’ny mpitsara izay fanta-daza
loatra ilay voakasika. Hatreto anefa dia tsy mbola nisy na ny
fanadihadiana nisokatra akory aza. Maty momoka fotsiny ny fitoriana
nataon’ny tompom-bady. Ankoatra ny fijangajangana anefa dia fantatra koa
fa mbola misy fitoriana hafa nataon’ny olona hafa mihitsy indray,
mahakasika io mpitsara mitovy io ihany. Tsy inona izany fa ny fampiasana
seky tsy misy anto-bola (chèque sans provision). Izany dia natao mba
hividianana tranon’olona, satria voalaza fa efa miara-mipetraka
an-tsokosoko koa izy ireo. Nisy ampaham-bola nomena ny tompon’ny trano
namidy ary nisy kosa ny seky izay rehefa nalaina tany amin’ny banky dia
tsy nisy vola na ny ariary monja aza. Sarotra ho an’ireo voasoloky sy
voarafy ny nitondra ny raharaha ho eo anivon’ny fitsarana. Nila
fotoana mihitsy vao tena sahy nametraka ny fitoriana, satria toy ny
atody miady amam-bato ihany. Miaro fanamparam-pahefana ny tranga toy
izao, ankoatra ny fisolokiana sy fampirafesana izay miharihary.
Fanontaniana tokony hipetraka ihany koa ny anton’ny tsy nisokafan’ny
fanadihadiana taorian’ny fipetrahan’ny fitoriana. Misy ve ny
kiantranoantrano sa kosa miandry ny fotoana maha-mety azy ny mpitsara
vao hanokatra izany ?
|
No comments:
Post a Comment